My SLS in atopic :D:D

يوم الأربع 29/4 اللى فات كان آخر يوم ليا فى المدرسة

بعد كده مش هاجى مدرستى تانى, مش هاقعد مع صحابى ونبدأ وصلة التهييس ونسمع أغانى مع بعض تانى


مش هشوف "H" ومش هقدر آخد لفة أو اتنين فى حوش المدرسة تانى

مش هاينفع أجمع معايا كام بنت من دفعتنا ودفعة تانية اعدادى ونغنى أهبط وأحط أغانى ممكن تسمعها فى حياتك -احم احنا ناس بنقدر الفن الشعبى يا جماعة -

كل يوم الصبح مش هابقى محتاسة وأنا داخلة من باب المدرسة عشان ماحدش يشوفنى باللبس الخارجى الاسود اياه -فالحة أوى أصلى -

مش هاعرف أزوغ تانى من حصة مس ميرفت -الفكرة فكرة انها الحصة دى بالذات يعنى, احساس رااااااااائع-


سنوات كتير أوى هاتعدى وفى يوم كده -لو انشاء الله لقيت اللى الست الوالده داعية عليه وربنا رزقنى بأطفال- هنبقى معديين من على المدرسة وهاقولهم ان دى كانت مدرستى



هاحكيلهم عن مس ميرفت -اللى كانت مقتنعة اقتناع تام ان احنا قاعدين فى فرن أو نادى السلام الخاص- ومس ناهد -الست دى بموت فيها برضو برغم اللى كانت بتعملوا فينا- وعن الاعتصام اياه, هاقولهم على المنتدى ده وعلى الرقص والأغانى اياها -واخد بالك معايا انتى يا ابراهيم - اللى كان الولاد بيغنوها لما حد منهم أو من البنات بيعمل عيد ميلاده فى المدرسة... هاحكيلهم كمان عن "أونكل" كاوتا, تخيلوا! أدهم هيبقى أونكل -هى هى هى- وعن "طنط" نادو المجنونة اللى كنت بموت فى جنانها -ده أنا هازللك لما تبقى طنط يا نادو, استنى عليا بس -


مش هانسى طبعا أحكيلهم عن طنط مايزوزا حبيبتى وعن "أونكل ميدو" اللى بيشوفوه فى التلفيزيون بيلعب فى فريق الاهلى -ان شاء الله يعنى- وعن أونكل محمد عيسى, واحد من أهم معالم نادى السلام الخاص وطبعا عن طنط منة عفيفى صحبتى اللى بتيجى عندنا البيت ساعات وكان خلق الله كلهم عندها "وحش" لأسباب غامضة بالنسبة ليا لحد دلوقتى


هاقولهم ان آخر يوم ليا فى المدرسة فى تالتة ثانوى -ده لو كنت هابقى لسه "على قيض الحياة" بعد مالناس تقرا البتاع ده- زرت كل ركن وكل شبر فى المدرسة وصورت الأماكن اللى بحبها وخدت كام صورة جماعية ولاد وبنات لأحلى دفعة فى العالم -عايزة أعمل كده بجد والله يا جماعة لو ماحدش معترض- وللمدرسين اللى بحبهم وانى عيطت بعدها كتير أوى عشان كنت هادخل كلية فى القاهرة -قولوا يارب- وهابعد عن طنطا ومدرستى وأماكن دروسى وبيوت صحابى و حسان والمتوكل -أكتر شارعين بحبهم فى طنطا -


من الآخر هاقولهم ان أنا هنا قضيت أحلى أيام طفولتى ومراهقتى, عرفت 14 سنة من السعادة مع دفعة مختلفة وجامدة بجد, أذكى وأحلى دفعة ممكن يشوفوها فى حياتهم...


hatew7asheny awiiii ya SLS

hhhhhhhhhhhhh gamed awi el topic ya deena :D bs leh (مش هاينفع أجمع معايا كام بنت من دفعتنا ودفعة تانية اعدادى ونغنى أهبط وأحط أغانى ممكن تسمعها فى حياتك -احم احنا ناس بنقدر الفن الشعبى يا جماعة -
) leh tfd7y dof3etna ??!! :D:D:D ha2olk bs klma w7da w mtsy7eesh fkra elli 7sal yomha asln (matsy7eesh PLZ :D ah aw l2 kfaia ) hhhhhhhh

hhhhhhhhhhhhhhhhhhhhhhhhhhhhh ya Deena ya Jamed Ana 2oltlk ra2y feha tb3n awl wa7da Gameeela gedn bgd Well Done..
w Tb3n msh ht7klhom 3n "Noury" 3ashan Dy htb2a 5althom I got ur pt
faze3a.. w aktar 7ta 3gbtny bt3t ma7moud wel ahly bgd 23dt a2ol ya Rabb toul mana ba2raha ya rab yrf3 Rasna kda
Nice topic as usual

hhhhhhhhhhhhhhhhhh Niceee Topic awyyy ya Deena w 3an dof3et 2 e3dady w el a3'any el habta fa no comment besar*** w akeed ya Lina ma7desh haynsa elli 7asal yomha asln yom mas5ara w tab3an hat7kelhom 3an tant maizoza elli etfda7et besbabkom f a5er yom f pizza hut hhhhhhhhhhhhhhhh

thnx gurlz
and yea fakra youm el a3'any el hab6a eyaha, tagreeeeeeeeeeeeeeeh
w bel nesba ya mai le 7war pizza fa a7b a2ollek en nourtek ya5ty heya ely sayya7et first fa ana 2olt lazem ab2a good friend w eshtarakt fel ma2sa ana kman :D:D